ჯონი ჩონიძე:
სამართალმცოდნე, საჯარო უწყებებში მუშაობის 15 წლამდე გამოცდილება, მათ შორის, პერსონალურ მონაცემთა დაცვის სამსახურში მუშაობის 5 წლამდე გამოცდილება, სადაც იკავებდა სამრთალდამცავ ორგანოებზე ზედამხედველობის დეპარტამენტის უფროსის მოადგილის პოზიციას.
მონაცემთა დაცვის საზედამხედველო ორგანში, მისი ხელმძღვანელობით განხორციელდა მონაცემთა დამუშავების სხვადახვა პროცესის 300-მდე ინსპექტირება.
საჯარო სამსახურში საქმიანობის პერიოდში ჯონი იყო EUROPOL-ის კიბერუსაფრთხოების ეროვნული უწყებათაშორისი სამუშაო ჯგუფის, კიბერუსაფრთხოების ეროვნული სტრატეგიის პროგრამის საბჭოს და ევროპის საბჭოს პროექტის CyberEast-ის ბავშვის უფლებათა დროებითი კომიტეტის წევრი.
მრავალწლიანი პრაქტიკული გამოცდილების გარდა, ადამიანის უფლებების, მონაცემთა დაცვისა და უსაფრთხოების სფეროში ჯონის გააჩნია შესაბამისი აკადემიური ცოდნა. კერძოდ,  ჯონი არის Northern Kentucky University-ის (NKU) კიბერუსაფრთხოების მეცნიერებათა მაგისტრი, ასევე, ST Andrew’s Georgian University-ის (SANGU) მაგისტრანტი კიბერუსაფრთხოების მიმართულებით. იგი სერტიფიცირებული ტრენერია და პერსონალურ მონაცემთა დაცვის მიმართულებით არაერთ სასწავლო კურსს უძღვება.

დავით ყარაშვილი:

დავით ყარაშვილს აქვს იურიდიული საქმიანობის 15 წლიანი გამოცდილება სხვადასხვა საჯარო ორგანოსა და კერძო დაწესებულებაში, პერსონალურ მონაცემთა დაცვის, რისკების მართვის, ხელოვნური ინტელექტისა და სარკინიგზო სატრანსპორტო მიმართულებით.
დავითი სხვადასხვა პოზიციას იკავებდა საქართველოს პერსონალურ მონაცემთა დაცვის საზედამხედველო ორგანოში. პერსონალურ მონაცემთა დაცვის სამსახურში იურიდიული დეპარტამენტის უფროსის პოზიციაზე მუშაობის პერიოდში, ის უშუალოდ მონაწილეობდა „პერსონალურ მონაცემთა დაცვის შესახებ“ საქართველოს ახალი კანონის მომზადებაში და გახლდათ საქართველოს პარლამენტში აღნიშნულ კანონპროექტზე მომუშავე სამუშაო ჯგუფის წევრი. იგი საქართველოს წარმოადგენდა ევროპის საბჭოს მიერ შექმნილ ხელოვნური ინტელექტის დროებით კომიტეტში.
დავითი საქართველოს თავდაცვის სამინისტროში შექმნილი რისკების მართვის სამმართველოს პირველი ხელმძღვანელი გახლდათ. მან მნიშვნელოვანი წვლილი შეიტანა თავდაცვის სამინისტროს ფორმალიზებული რისკის მართვის სისტემის დანერგვაში.
პროფესიულ საქმიანობასთან ერთად, დავითი აქტიურად მოღვაწეობს აკადემიურ სფეროში. ის არის მოწვეული ლექტორი შავი ზღვის საერთაშორისო უნივერსიტეტში, ასევე, უძღვება არაერთ ტრენინგსა და სასწავლო კურსს პერსონალურ მონაცემთა დაცვის სამართალში.