მოგესალმებით „აკადემია კოლაბში“!

მოხარულები ვართ, რომ სარგებლობთ ჩვენი მომსახურებით. ვებგვერდის ან აპლიკაციის გამოყენებამდე გთხოვთ, ყურადღებით გაეცნოთ წინამდებარე წესებსა და პირობებს, რომლებიც წარმოადგენს ხელშეკრულებას თქვენსა და „აკადემია კოლაბს“ შორის. ეს დოკუმენტი არეგულირებს ჩვენი ვებგვერდის/აპლიკაციის გამოყენებას, კურსებზე დასწრებას, მასტერკლასებსა და სხვა აქტივობებში მონაწილეობას, ასევე ნებისმიერ კომუნიკაციას, რომელსაც კომპანია ახორციელებს თქვენთან.

ვებგვერდის/აპლიკაციის გამოყენება

ვებგვერდის/აპლიკაციის გამოყენებით, თქვენ ეთანხმებით ამ წესებსა და პირობებს. გაითვალისწინეთ, რომ „აკადემია კოლაბი“ უფლებას იტოვებს, ნებისმიერ დროს შეიტანოს ცვლილებები ამ დოკუმენტში, თქვენი დამატებითი თანხმობის გარეშე. ცვლილებები ძალაში შედის მათი ვებგვერდზე/აპლიკაციაში გამოქვეყნებისთანავე.

კონფიდენციალურობის პოლიტიკა

ამ წესებსა და პირობებზე თანხმობით, თქვენ ასევე ეთანხმებით ჩვენს კონფიდენციალურობის პოლიტიკას, რომელიც არეგულირებს თქვენი პერსონალური მონაცემების შეგროვებას, გამოყენებას და დაცვას.

„აკადემია კოლაბის“ შესახებ

„აკადემია კოლაბი“ არის თანამედროვე სასწავლო სივრცე, რომელიც ორიენტირებულია თქვენს პროფესიულ განვითარებაზე. ჩვენ გთავაზობთ მაღალი ხარისხის ტრენინგებს, ვორქშოფებს, მასტერკლასებს და სხვა საგანმანათლებლო პროგრამებს, რომლებიც დაგეხმარებათ ახალი უნარების შეძენასა და კარიერულ წინსვლაში. ჩვენი მიზანია, შევქმნათ ისეთი სასწავლო გარემო, სადაც თქვენ შეძლებთ მიღებული ცოდნის პრაქტიკაში გამოყენებას და რეალურ პროექტებზე მუშაობას. ჩვენი გუნდი შედგება გამოცდილი პროფესიონალებისგან, რომლებიც მზად არიან გაგიზიარონ თავიანთი ცოდნა და გამოცდილება. „აკადემია კოლაბი“ მუდმივად ვითარდება და იხვეწება, რათა შემოგთავაზოთ ყველაზე აქტუალური და მოთხოვნადი პროგრამები. ჩვენ ვცდილობთ, ვიყოთ ინოვაციური და ვუპასუხოთ თანამედროვე სამყაროს გამოწვევებს.

ტერმინების განმარტება

ამ დოკუმენტში გამოყენებული ტერმინები შემდეგი მნიშვნელობით გამოიყენება:

• ლექტორი: პრაქტიკოსი სპეციალისტი, რომელიც ატარებს „აკადემია კოლაბის“ კურსებს, მასტერკლასებს ან ვორქშოფებს და უზიარებს მონაწილეებს თავის ცოდნასა და გამოცდილებას.
• სტუდენტი/მონაწილე/მსმენელი: ნებისმიერი პირი, რომელიც რეგისტრირებულია „აკადემია კოლაბის“ ვებგვერდზე/აპლიკაციაში და ესწრება კურსებს, მასტერკლასებს, ვორქშოფებს ან სხვა ღონისძიებებს.
• კურსი: „აკადემია კოლაბის“ მიერ შემოთავაზებული სხვადასხვა სასწავლო პროგრამა, რომელიც მოიცავს კონკრეტული დარგის თეორიულ და პრაქტიკულ მასალას.
• კომუნიკაციის საშუალებები: ნებისმიერი საშუალება, რომლის მეშვეობითაც „აკადემია კოლაბი“ უკავშირდება სტუდენტებს/მონაწილეებს, მათ შორის ელექტრონული ფოსტა, სოციალური ქსელები, SMS შეტყობინებები, სატელეფონო ზარები და ა.შ.
• აკადემიური მოსწრება: სტუდენტის/მონაწილის მიერ კურსის განმავლობაში მიღწეული შედეგების ჯამური შეფასება, რომელიც განისაზღვრება დასწრების, დავალებების შესრულების, ტესტებისა და სხვა აქტივობების საფუძველზე.
• სერტიფიკატი: დოკუმენტი, რომელიც გაიცემა კურსის წარმატებით დასრულების შემდეგ და ადასტურებს სტუდენტის/მონაწილის მიერ შესაბამისი ცოდნისა და უნარების მიღებას.

„აკადემია კოლაბის“ ვალდებულებები და უფლებამოსილება

• სანდო ინფორმაცია: ჩვენ ვალდებული ვართ უზრუნველვყოთ ვებგვერდზე/აპლიკაციაში და სოციალურ ქსელებში განთავსებული ინფორმაციის სიზუსტე და სანდოობა.
• პერსონალური მონაცემების დაცვა: ჩვენ ვალდებული ვართ, დავიცვათ თქვენი პერსონალური მონაცემების კონფიდენციალურობა და უსაფრთხოება. თქვენი მონაცემები გამოყენებული იქნება მხოლოდ კანონით დადგენილი წესით და მხოლოდ იმ მიზნებისთვის, რისთვისაც ისინი შეგროვდა.
• კურსის ცვლილებები: ჩვენ ვიტოვებთ უფლებას, შევიტანოთ ცვლილებები კურსის განრიგში, ფორმატში ან შინაარსში, ასევე შევცვალოთ ლექტორი, თუ ამას საჭიროება მოითხოვს.
• სერტიფიცირება: კურსის წარმატებით დასრულების შემთხვევაში (მინიმუმ 70 ქულის მოპოვებისას), თქვენ მიიღებთ შესაბამის სერტიფიკატს.
• დისციპლინური ზომები: ჩვენ ვიტოვებთ უფლებას, მივიღოთ დისციპლინური ზომები სტუდენტების/მონაწილეების მიმართ, რომლებიც არღვევენ „აკადემია კოლაბის“ წესებს ან ხელს უშლიან სასწავლო პროცესს.
• ნამუშევრების გამოქვეყნება: ჩვენ შეგვიძლია გამოვაქვეყნოთ სტუდენტების/მონაწილეების მიერ შესრულებული ნამუშევრები ჩვენს ვებგვერდზე/აპლიკაციაში ან სოციალურ ქსელებში, თქვენი თანხმობის შემთხვევაში.

ვებგვერდის/აპლიკაციის მომხმარებლისა და კურსის მონაწილის ვალდებულებები დაძლებები

• ინფორმაციის გამოყენება: თქვენ ვალდებული ხართ გამოიყენოთ ვებგვერდზე/აპლიკაციაში განთავსებული ინფორმაცია მხოლოდ პირადი, არაკომერციული მიზნებისთვის.
• სწორი ინფორმაციის მიწოდება: თქვენ ვალდებული ხართ, მოგვაწოდოთ სწორი და სრული ინფორმაცია რეგისტრაციისა და კურსებზე/ღონისძიებებზე დარეგისტრირების დროს.
• კომუნიკაცია: თქვენ ეთანხმებით, რომ „აკადემია კოლაბმა“ შეიძლება დაგიკავშირდეთ სხვადასხვა საკომუნიკაციო არხის მეშვეობით, რათა მოგაწოდოთ ინფორმაცია კურსების, ღონისძიებების, სიახლეების და სხვა საკითხების შესახებ.
• წესების დაცვა: თქვენ ვალდებული ხართ, დაიცვათ „აკადემია კოლაბის“ მიერ დადგენილი წესები, ნორმები და დისციპლინური მოთხოვნები.
• გადახდა: თქვენ ვალდებული ხართ, დროულად გადაიხადოთ კურსის/ღონისძიების საფასური.
• ქონების დაცვა: თქვენ ვალდებული ხართ, ფრთხილად მოეპყროთ „აკადემია კოლაბის“ ქონებას.
• ინფორმაციის კონფიდენციალურობა: თქვენ ვალდებული ხართ, არ გაავრცელოთ კურსის მასალები, ჩანაწერები ან სხვა ინფორმაცია, რომელიც მიიღეთ „აკადემია კოლაბისგან“.
• უკუკავშირი: თქვენ გაქვთ უფლება მოითხოვოთ უკუკავშირი ლექტორისგან თქვენი აკადემიური მოსწრების შესახებ.
• თანხის დაბრუნება: თქვენ გაქვთ უფლება მოითხოვოთ გადახდილი თანხის დაბრუნება კურსის/ღონისძიების დაწყებამდე გარკვეული ვადით ადრე, „აკადემია კოლაბის“ მიერ დადგენილი წესების შესაბამისად.

თქვენი პერსონალური ინფორმაციის დამუშავება და გამოყენება

„აკადემია კოლაბი“ პასუხისმგებლობით ეკიდება თქვენი პერსონალური ინფორმაციის დაცვას. ჩვენ ვაგროვებთ და ვამუშავებთ თქვენს მონაცემებს მხოლოდ კანონიერი მიზნებისთვის, როგორიცაა:

• მომსახურების გაუმჯობესება: თქვენი ინფორმაციის გამოყენებით, ჩვენ შეგვიძლია გავაუმჯობესოთ ჩვენი მომსახურება და შემოგთავაზოთ უფრო პერსონალიზებული გამოცდილება.
• კომუნიკაცია: ჩვენ გამოვიყენებთ თქვენს საკონტაქტო ინფორმაციას, რათა მოგაწოდოთ ინფორმაცია კურსების, ღონისძიებების, სიახლეების და სხვა აქტუალური საკითხების შესახებ.
• კანონიერი ვალდებულებების შესრულება: ზოგიერთ შემთხვევაში, ჩვენ შეიძლება ვალდებულნი ვიყოთ, შევინახოთ და გავამჟღავნოთ თქვენი ინფორმაცია კანონის მოთხოვნების შესაბამისად.

ჩვენ არასდროს გავყიდით ან გავაზიარებთ თქვენს პერსონალურ ინფორმაციას მესამე პირებს მარკეტინგული მიზნებისთვის.

ინფორმაციის უსაფრთხოება

„აკადემია კოლაბი“ იყენებს თანამედროვე ტექნოლოგიებსა და უსაფრთხოების სტანდარტებს თქვენი პერსონალური ინფორმაციის დასაცავად. ჩვენ ვატარებთ ყველა საჭირო ზომას, რათა თავიდან ავიცილოთ თქვენი მონაცემების არასანქცირებული წვდომა, გამოყენება, გამჟღავნება, შეცვლა ან განადგურება. თუმცა, გაითვალისწინეთ, რომ ინტერნეტში ინფორმაციის გადაცემა ყოველთვის არ არის სრულიად უსაფრთხო. ჩვენ ვერ მოგცემთ აბსოლუტურ გარანტიას თქვენი მონაცემების უსაფრთხოების შესახებ, მაგრამ ჩვენ ყველაფერს ვაკეთებთ, რათა მაქსიმალურად დავიცვათ ისინი.

დამატებითი ინფორმაცია

თუ თქვენ გაქვთ რაიმე შეკითხვა ჩვენს წესებსა და პირობებთან ან კონფიდენციალურობის პოლიტიკასთან დაკავშირებით, გთხოვთ, დაგვიკავშირდეთ ელექტრონული ფოსტის მისამართზე: infocolabedu@gmail.com

გმადლობთ, რომ ენდობით „აკადემია კოლაბს“!